2024 жылы Қазақстандағы цифрлық майнерлер жұмысында маңызды өзгерістер күшіне енеді
Жарияланған күні: 17.01.2024
2024 жылдан бастап Қазақстан аумағындағы цифрлық майнерлер жұмысында маңызды өзгерістер күшіне енеді. Жаңа талаптарға сәйкес майнерлер өндірілген монеталардың кемінде 50%-ын қазақстандық крипто-биржалар арқылы өткізуге міндетті. Бұл еліміздегі криптовалюта нарығын дамытудағы маңызды қадам.
2025 жылға қарай бұл пайыз 75%-ға дейін артады, бұл крипто-биржалар өтімділігінің ұлғаюына ықпал етеді. Мұндай өзгерістер цифрлық майнерлердің жұмысын реттеп қана қоймай, сонымен қатар, Қазақстанда криптовалюталардың айналымы бойынша платформалардың дамуын ынталандыруға арналған.
Бұл қадамдар екінші деңгейдегі банктер кірісінің артуына да ықпал етеді. Олар қазақстандық крипто-биржаларға қызмет көрсетуден комиссия ала алады.
Осы өзгерістердің бәрі крипто экожүйесінің дамуына және оның жұмыс істеуі үшін қолайлы орта құруға алып келеді, бұл Қазақстанда заманауи қаржы технологияларының дамуына серпін беретіні сөзсіз.