ҚБТЖИҚ АХҚО актілерінің аудармасын сұратты
Жарияланған күні: 05.07.2024
Қазіргі таңда цифрлық активтер нарығына қатысушылар цифрлық активтер саудасы саласындағы құқықтық қатынастарды реттейтін нормативтік құқықтық актілердің қолжетімділігіне және оларды дұрыс түсіндіруге байланысты проблемаларға тап болуда.
Мұның себептерінің бірі – «Астана» халықаралық қаржы орталығының мемлекеттік және орыс тілдеріндегі актілерінің болмауы.
Қазақстандық блокчейн-технологиялар және жасанды интеллект қауымдастығына ресми аударма беру туралы өтініштер жиі келіп түседі.
Бұл ретте заң бойынша АХҚО актілерін ресми аудару құқығы тек қана АХҚО-ға бекітіп берілген, оның ресми тілі ағылшын тілі болып табылады.
Сондықтан Қауымдастық АХҚО-ға цифрлық активтер саласын реттейтін АХҚО актілерінің мемлекеттік және орыс тілдеріне ресми аудармасын беру туралы сұрау салу жіберді.
Қауымдастық АХҚО-ға цифрлық активтерді реттейтін актілерді мемлекеттік және орыс тілдеріне аударып, жариялау міндеттемесін бекітуді орынды деп есептейді.